Bas Sayfa Şiirler Berfin Jêle XEYZANE

XEYZANE

Xeylê serri verdê ra nêno ra mı viri

Mua mı Xeyzane ke merde

Xelefe nêvo, beno ke bıvo

Phonc serri de bine ya ki nêbine

No ju derdo de wedardaiyo zerrê mı de

Jê ṣiye mı dıma vi, qe mı ra nêvıṣiya ke

Ez hona ke çêneka de domoneke vine.

 

Kemer u kuçi, dar u beri amê ra zoni

Mua mı Xeyzane ke merde

Bervune taliyê xuyo ṣiay ver

Tersune, xof ez guretune xo ver

Dina tım gırsa eve deryaunê xo ra

Ez cı ra tek u teyna ju çılkia siliye vine

Tersune, coka tersune

Ez o waxt ju çêneka de domoneke vine

 

Derdi amê pêser adırê zerrê mı fiṣt tê

Mua mı Xeyzane ke merde

Bine phepug wanon ko u gerısu ra

Têsanune...

Dakılam´ tu sımon her hini u çem de

Tu pinon her çenge u guçık de

Roji çerexinê, roji cerenê ra

Benê lêlê sodıri, dıma lêlê soni

Taniya tuya jê tiji, reê mı kerde vindi

Koti ra bızonêne ke, tı reyna mı dest nêkuna

Ez o waxt ju çêneka de qızkeke vine.

 

Perr u paê mı ṣikiyê, mı sero ṣin u ṣivan vi

Mua mı Xeyzane ke merde

Derd u khuli mı rinê ra, dine ra piya biyune pili

Sarri pızırnena ra tijia omnoni

Mı re ki serd u pukê zımıstoni!....

Bêhewnune…

Hewnê mı leteyê, mezgê mı olojiyo tê

Theyrê ke hewa ra perru danê pıro

Bêkesiye u seyena xo mı dine ra pers kerde

Namê mı Yemose, qızkeka Xeyzanune

Herêy gınune pıro, herêy….

Hey wax hey!...

Bê to nêbeno:

Cokao;

Gul-sosıni vıleçewti, hard u asmên ki mırozıno…

 

 

Yorum ekle


Güvenlik kodu
Yenile