Taê jê kengerê verê vaiyê

Ewro estê, meste çiniyê
Ri de huyınê, pey de kınenê
Ge necdiyê, ge düriyê

Taê jê kemera çengeyê
Roza tenge de, roza hirae de
To ra pia benê sa, kunê xo ver
Derdê to rê derman, persê to re cüabê

Olvozi jê hewn u ğeyaliyê

Nêwazena taê bêrê to viri
Tayinê ke yenê ra to viri
Huyına, nêwazena şêrê düri

Awe tıro sona, qumi manena
Usar de tiji be hewri têdıma raê
Olvozê roza qolayi xovira kena
Candostu ra cera nêbena